Bêste ynwenner fan Menameradiel/Waadhoeke,
De leden fan de WOM freegje omtinken foar de skea dy ’t in swiere stoarm oanbrocht hat oan hûs en bedriuw fan de hear Crainic, ien fan de lytse túnders dy ’t al jierren stipe wurde troch de WOM.
Wy freegje jo it ferslach en de oprop te lêzen fan ús Roemeenske meiwurker Somogyi. Crainic soe bot holpen wêze mei in finânsjele stipe. Wy dogge dêrta in berop op ús gemeentegenoaten.
Wy hoopje dat wy sa, mei € 2500,- , Crainic wer op gong helpe kinne.
Jild kin stoarten wurde op rekken NL81RABO 0341 7440 50 op namme fan WOM. Giften oan de WOM kinne ôflutsen wurde foar de belesting.
Mei groetnis, foar de WOM
Tsjibbe Rodenhuis Boksum foarsitter
Jos Steggerda Bitgummole ponghâlder
Yde Faas Blessum skriuwer
NB
It komplete bericht fan Somogyi mei foto ’s stiet op ‘e webside fan Menameradiel. Wy wolle it bericht ek tastjoere. Skilje dan 058 2541542